जनकपुरधाम, मंसिर ५ –
जनता समाजवादी पार्टी, नेपालका समाजवादी नेता तथा मधेश प्रदेशका प्रदेश सांसद रामअशिष यादवले मधेश प्रदेशको ऐतिहासिक, सांस्कृतिक, धार्मिक तथा पर्यटकीय महत्व बोकेको देवभूमि बाबा कारिक स्थान, परौलको स्थलगत निरीक्षण गरेका छन्।
महोत्तरी जिल्लाको बलवा नगरपालिका–परौलस्थित यो धार्मिक स्थल मधेश प्रदेशको प्रमुख सांस्कृतिक गन्तव्यका रुपमा परिचित रहेको छ। निरीक्षणका क्रममा सांसद यादवले यस स्थानको धार्मिक प्रतिष्ठा, सांस्कृतिक पहिचान र पर्यटकीय सम्भावनालाई ध्यानमा राख्दै राज्यले विशेष नीति बनाएर योजनाबद्ध रूपमा विकास–निर्माणमा अघि बढ्नुपर्ने आवश्यकता औँल्याए बताए ।
उनले प्रदेश सरकारले पर्यटन पूर्वाधार, सुविधासम्पन्न पहुँच मार्ग, धर्मशाला, प्रांगण व्यवस्थापन तथा संरक्षणलाई प्राथमिकतामा राखेर देवभूमि बाबा कारिक स्थानलाई राष्ट्रिय तथा अन्तर्राष्ट्रिय तीर्थस्थलका रूपमा प्रवर्द्धन गर्न सकिने बताए।
निरीक्षण टोलीमा स्थानीय वडाध्यक्ष कारी यादव, युवा नेता अशोक यादव लगायतका प्रतिनिधिहरूको उपस्थिति रहेकोे थियो ।
