बिरगंज । बिरगंज महानगरपालिका–११ श्रीपुरका प्रतिष्ठित समाजसेवी, पूर्व वडा अध्यक्ष तथा जिल्ला विकास समिति (जि.वि.स) का पूर्व उपसभापति हाजी जुमादिन हवारीको निधन भएको छ।
७७ वर्षीय हवारीको उपचारको क्रममा आज शुक्रबार दिउँसो करिब ३ बजे वीरगंजस्थित बयोधा अस्पतालमा निधन भएको परिवार स्रोतले जानकारी दिएको छ। उनी बिरामी भई बिहीबारदेखि अस्पतालमा भर्ना भएका थिए।
हवारीको अन्त्येष्टि शनिबार दिउँसो २ बजे श्रीपुरस्थित कब्रिस्तानमा मुस्लिम परम्परा अनुसार गरिने परिवारले जनाएको छ।समाजसेवी स्वर्गीय हवारीले स्थानीय विकासका विभिन्न क्षेत्रमा सक्रिय भूमिका निर्वाह गर्दै समाजमा उल्लेखनीय योगदान पुर्याएका थिए।उनी श्रीमती, तीन छोरा र एक छोरीसहित ठूलो परिवार र असंख्य शुभेच्छुकलाई शोकमा छोडी गए।
