धोबीनी । Human Love Charity Fund द्वारा धोबिनी गाउँपालिका–५ भित्र रहेका विभिन्न मन्दिरहरूमा नवरात्रि पर्वको अवसरमा दर्शनार्थी भक्तजनहरूलाई केरा, स्याउ, नाशपाती, सुन्तला लगायतका फलफूल वितरण गरिएको छ।

नवरात्रि हिन्दू समुदायको प्रमुख धार्मिक पर्व भएकाले प्रत्येक दिन मन्दिरहरूमा विशेष पूजाआजा र भक्तजनहरूको भीड हुने गर्दछ। भक्तजनहरूको सहजता र श्रद्धा अझ परिपूर्ण होस् भन्ने उद्देश्यले संस्थाले सामाजिक उत्तरदायित्व स्वरूप यो अभियान अघि सारेको हो।

संस्थाका संस्थापक एजाज अंसारी का अनुसार, हरेक वर्षझैँ यस वर्ष पनि निरन्तर रूपमा फलफूल वितरण कार्यक्रम सञ्चालन गरिएको हो। उहाँले भन्नुभयो, “हाम्रो उद्देश्य केवल फलफूल वितरण गरेर भक्तजनहरूलाई सहयोग पुर्‍याउनु मात्र होइन, यसमार्फत समाजमा आपसी सद्भाव, धार्मिक सहिष्णुता र एकताको सन्देश फैलाउनु पनि हो।”

यस वर्षको कार्यक्रम संस्थाका प्रमुख सल्लाहकार मुकेश प्रसाद कुर्मी को नेतृत्वमा सम्पन्न गरिएको हो। कार्यक्रममा संस्थाका सदस्यहरू—रिजवान अंसारी, सत्यम कुमार, बिकाश कुमार, अजय पटेल, उमेश कुमार लगायत—ले सक्रिय भूमिका निर्वाह गरेका थिए।

स्थानीयहरूले यस प्रकारको सेवामूलक कार्यले धार्मिक अवसरलाई मात्र नहीं, सामाजिक उत्तरदायित्व र एकताको सन्देशलाई बल मिल्ने विश्वास व्यक्त गरेका छन्।