अशोक यादव, असार ११
रौतहटको चन्द्रपुर नगरपालिका–१०, निबुवा टोलमा मंगलबार साँझ सेफ्टिक ट्यांकीमा खसेर दुई बालबालिकाको मृत्यु भएको छ।
मृत्यु हुनेमा स्थानीय गरिमा साहका एक वर्षीय छोरा रञ्जे साह र जगदीश साहकी एक वर्षीया छोरी खुश्बु साह रहेका छन्। उनीहरू खेल्ने क्रममा साँझ पौने ८ बजेतिर स्थानीय हृदय पासवानको शौचालयको सेफ्टिक ट्यांकीमा खसेका थिए।
घटनापछि तत्काल उद्धार गरी चन्द्रपुरस्थित सरकारी अस्पतालमा पुर्याइए पनि डाक्टरले उनीहरूलाई राति ८:१५ बजे मृत घोषणा गरेका थिए, जिल्ला प्रहरी कार्यालय रौतहटले जनाएको छ।
प्रहरीका अनुसार घटनाको थप अनुसन्धान भइरहेको छ।
